التسوق على الطريقه السعوديه...خخخخخخخخ

السلام عليكم ورحمة الله وبركاته
في أوربا وأمريكا مافية شئ أسمة تسوّق زي الفوضى حقتنا ذي لاااا معليش<< من البدايه راح نتفق الموضوع طويل وذو شجون ماعندك وقت لي أطلع وصك الباب ولا رقت وفضيت تعال ومخمخ [الحتسي للجميع ذكور وأناث

[في لندن مثلا السوق يفتح الساعة 6الصباح ويقفل الساعة 6 المغرب بعدها كل واحد ووحدة قاضبينّ أرضهم

عندنا لاآآآآآآآآآ السوق مايصكّ إلاّ الساعة وحدة بالليل
عندنا جيران الله يذكرهم بالخير لو يعطونهم السوق مجال ينامون عندهمsize=25] كان ماعندهم مانع

جيراننا ذولا لا بغوا يروحون للسوق يركبون كلهم 11 نفر ونفرة بشغالتهم وبزارينهم وترامس القوة والشاهي حظوا رايحين للسوق ومتى يركبون السيارة؟ من يقول الله وأكبر العصر وهم ناشبين بالفان ودرعم فيهم السواق للسوق

[العجز الكبار اللّي مالهنّ بالسوق والخلاقين فلّوا بساطهم بجنب الرصيف اللي عند السوق ونزلّوا قهوتهم وشاهيهم وكراثهم وفصفصهم وحشّ بالبشرية لين يقطعوّن ظهورهم تقطيع صح[والبنات ينزلن للسوق خمس بنات لو تفتشّ شناطهنّ كلّهن ماتلقى إلاّ 150 ريال[/وسردحة بهالسوق وتطنزّ بالرايح والجاي والمشكلة مايشترون

[نجي عاد لطيور الجنه البزارين 6 بزارين والشغالة ماغير ملاحق لهم بهالسوق من متسان لمتسان الله يعظمّ أجره هالمسيكينة لااا ويبون الشغالات مايهجنّ بعد قسم بالله لو أنا شغالة عند بعض هالبزارين كان قسم بالله مايرّدني إلاّ دول الجوارياعالم عندنا بزارين من كثر نجاستهم وقلقهم يطلّعون لك رأس ثاني غير رأسك وفوق هالرأسين أربع نخل ثنتين برحي وثنتين أم الحمام <<< والله أكبر ياحمام ههههههه


وتعال شف البزارين عاد مابزينّا بهم ببيوتنا نبزّ فيهم بسوق ياااااااوك تلقى البزر جاي للسوق ووينةعند نفسة ماغير مهاوش مع عيال الناس ترى عندنا فان مايدري إن كلّ الفلوس اللي معهم 150 ريال
المهم وإذا طيحوّا العجز اللّي برؤسهم من الحشّ وقضوا على الكراث والفصفص ضفضفوا عفشهم الساعة وحدة بعد منتصف الليل وجوك مدحدرين للبيت لا حظوا متى راحوا للسوق ومتى رجعوا بس محللّين أووّم السوق تحليل صح



في أووربا

مافية هالكلام الفاضي هذا كلة .. مسألة إن 11نفر ونفرة يركبون بفان ويدرعمون للسوق معليش إمعصي
في أوربا ربةالمنزل اوالبنت إذا تبي تشتري غرض من السوق تفتح اللابتوب حقها وتكتب بقوقل التسوّق أوالتجارة الإلكترونية ويطلع لها الموقع وتحددّ وش تبي من السوق
مثلا بلوزة كاروهات تكتب بالموقع بلوزة كاروهات وتنورة بيج وتدفع المبلغ بكارت الفيزا
وبس يومين والبضاعة محضرّه عندها لا فان ولا جمس ولا بزارين ولا زحمة أشارات ولا قلق ولا شغالة ولا بنات يدورنّ ب 150 ريال كل اليوم بالسوق وبالنسبة لبزارينهم مافية شئ اسمة يمّة بروح معكم وتلقين البزر ناشبنّ لإمة ومتعنقطّ بعباتها من الظهر
لاااا الاطفال بأوربا وش حليلهم تلقى البزر عندهم مكدودن شعره ولا بس قميص نظيف وماسك قصة عن الحيونات بالغابة وقاعد يقرأها بغرفتة لا صجّة ولا لجّة ولا قلق ومحطوطنّ بمخبأتة مناديل ومؤدب مهب مثل البزرعندنا تلقى شوشتة طايرة وبظهرة لطخة طين وبرأسة فلقتين


نصايح ومقترحات لمن أراد التسوّق << وش عنده رامو العليان - إذا دخلتي محل بالسوق أنتي وخواتك وأعجبك شئ لا تمسكينة وتجمعوّن علية أنتي وخواتس وتقولون الله يهبّل وش زينة يازينة زينااااااااه لإن البائع لا شافك منهبلة كذا وطايرّتن بوهتس بالقطعة بيمسطك بالسعر مسطة بنت ستة وستين كلب يعني مثلا القطعة ب20 ريال لا شافك منهبلة على القطعة بيقول ب 900 قلعتس خلّي طفاقتس تنفعتس ليس بالضرورة القطعة او السلعة الغالية هي الزينة!! يمكن تلقين قطعة سعرها وسط ومعقول أحسن بكثير من القطعة الغالية هذيك



إذا نويتي تروحين للسوق ومافيك حيلة خلاص ركبتك الجنية ورايحة رايحة الله لا يعوق بشرّ يفضلّ ياسيدتي إن تذهبي للسوق في غير ايام الذروة والمناسبات والاعياد والصيفية << وش بقى من ايام السنة لا جدّ يعني بعض التجار جشع لإبعد حدّ ويستغل هالمناسبات ألعن إستغلال وخاصتن وهو يعرف حاجة المستهلك للسلعة في هذا الوقت بالذات

- ركزّوا معي شوي كثير من الاسر لا بغت تشتري قطعة بلوزة او تنورة او اي شئ تلقاهم تقل ملحوقين ويلقطون القطعة بطفاقة وإستعجال وخم بطّ وماتدري إلاّ هم عند الكاشير يحاسبون وهذا اللي يخلّي سالفة اببدّل وأبرّجع ونرجع لسالفة سردادي مردادي للسوق وبقية المعاناة

[ أتسأئل دائما متى نصير ناس متطوّرة وكيوت وفاهمة ونترك الفوضى خاصتنّ بشغلة التسوّق ذي يعني متى يبدؤن ربعنا وربعاتنا يتسوّقون عن طريق الإنترنت وبلاش مشاوير وقلق رأس ....مايستفاد ....من هالمنبر السامي أناشد أدارتنا الكريمه بأفتتاح قسم للسوق السوداء ويتم من خلاله تداول السلع والهك على بعض ]ههههه ترى قناه بدايه وعالم حواء ماهوب أطلق منا ...لا صدز ياجماعه صدقوني فكرة السوق السوداء بالمنتدى ماهيب شينه سيارات 00لوح 00ارقام 00جوالات 000أكس بوكس00خلاقين 000 أدوات تجميل 000شناط كل شي شرايكم ؟؟؟؟

نقطةأخيرة مهمة ويغفلها الكثيرمن الاسر ألا وهي السوّاق ترى السوّاق مجيوب للحاجات الضرورية مهب كل ماطقّ عصا بعصا هبدتي غرفة السوّاق!! تسمعون بتحليل الراتب أنتم الظاهر ترى السواق بشر مثلة مثلنا يتعب ويتنرفز ويتنفسّ ويجوع
منقووول

بس من جد اللي عنده فكره او تجربه عن التسوق عن طريق النت يشاركنا

اشكرك اختي ريم على الموضوع الحلوووووووووووووووووووو


بس ما فهمت قصدك ... تبينا بنيع ونشتري هنا

مشكورين يالشيووخ

هههههههههههههههههههه
شكرا شيخة ريم

يا شيخة الشيخات وش هالافكار الخطيرة
يلة انا عندي كم قندرة على كم بلوزة اشتريتها عند قيامي باحدى الرحلات للسوق انا و العايلة و بعض الاصدقاء
خميتها خم اسابق خواتي وطلعت كلها مقاسات غلط
اذا احد حاب يشتري ترى الزين عندي و الشين حوالينا
ها بكم نقول

الشيخه ريم
كلامك كله يواكب العصر
وللاسف ماذال الجهل ومعيشة البدو تاثر على افكارنا
وناخذ المواضيع بمنتهى البساطه
وبالفعل كلام صدق
كل الاسره الكريمه تذهب للسوق
ومزاد المفاصله بالاسعار
للبائع يبيع بسعر معقول ولا المشترى يشترى بالسعر المحدد من البائع
وهكذا باستمرار
بالفعل انا بسوق لحالى من السوق بدون السائق
وبسرعة البرق
مشكوره على مواصلة اخبارك المتقدمه والحديثه لموقعنا المميز