THE SECRET

تخيل إنك تملك مصباح علاء الدين
كل طلباتك مجابة
وكل ماتفكر فيه يأتيك
كل أحلامك تتحقق بمشيئة الله
تخيل كل ما سبق حقيقة وليست ضرب من الخيال !


..


كل ماعليكم لتحقيق هو معرفة " السـر "
الموضوع يتكلم عن كتاب غير حياة الكثيرين
The secret لـ Rhonda Byrne
سر نجاح حياة العظماء على مدار التاريخ .. أذكر منهم :
أينشتاين ، نيوتن ، أفلاطون ، هوجو ، شكسبير ، إيمرسون ، بيتهوفن ، وغيرهم الكثير
السر يدلكم على طريقة جديدة لعيش حياتكم والتعامل معها



السر هو Law of attraction أو قانون الجذب
أسهل تعبير لوصفه : انه كل شي نفكر فيه ونتمناه ونريده بشدة الكون يجذبه لنا
أو " Like Attracts Like "
وش تحب ووش تتمنى ووش تفكر فيه بيجيك عندك بس آمر تدلل
تقول راوندا في كتابها :
"
إن قانون الجذب يجذب للإنسان كل ما يفكر فيه في حياته عادة لأن أفكارك هي
التي تسيطر على وعيك أو اللاوعي من عقلك و سوف تحقق نفسها بنفسها "

كلها هذا نقدر نحققه بخطوات بسيطة لازم نفهمها ونستوعبها
يمكن بعضكم يشوفها خرابيط وكلام فاضي
لكن بعد قرائتكم للكتاب أو مشاهدة الفيلم بتغيرون رأيكم أكيد

" لربما تبدو الفكرة كنوع من الهرطقة و لكن بعد القراءة الكتاب سيبدو لك الأمر جدياً و ستأخذه على محمل مغاير عن انطباعك الأول "

الكتاب يعرض تجارب حية لرجال أعمال ناجحين وأغنياء وأطباء علم نفس وكتّاب وأشخاص شفوا من أمراض ونجوا بأعجوبة
قصصهم المُبهرة كفيلة بإقناعكم ..



بشرح لكم الحين كيف يعمل القانون < الله يستر
ركزوا معي :

الأفكار اللي تجول براسنا ونفكر فيها معظم الوقت مغناطيسية ولها تردد frequency..
الترددات هذي ُترسل للكون وتجذب لنا الأشياء المشابهة للي نفكر فيها واللي لها نفس التردد وتجي لحد عندنا
يعني كأن الإنسان برج يرسل ترددات وموجات فيها أفكاره سواء كانت زينة أو شينة
بمعنى آخر لو كنت حاب تغير أي شي في حياتك .. ماعليك إلا تغير الموجة !
كيف تغير الموجة ..؟! بتغيير أفكارك .

مثلاً نفرض إن فكرتك الحالية عن مستقبلك وأنت قاعد تخطط له ..
تخطط لامتلاك بيت وسيارة واستقرار ورصيد بالبنك
كل مافكرت أكثر بهالفكرة وركزت عليها ستظهر في حياتك وتتحقق
أفكارك تتحول إلى أشياء ملموسة كل ماتمسكت بفكرتك أكثر ...

كل هذا يتحقق بـ3 خطوات سهلة وبسيطة
1/ Askاسأل .. 2/ believe أؤمن .. 3/ receive استقبل


*أول خطوة سؤال الكون اطلب ووضح كل ما تريد ..
هذي خطوة مهمة لأنها بتحدد
ممم نقدر نقول مثل دعاء الله وأنت متيقن بالإجابة وهو أقوى درجات الدعاء

* الإيمان يتضمن التصرف والتحدث والتفكير بالشيء اللي طلبته وكأنه صار فعلاً وتحقق
ولما ينبعث التردد منك وكأنك حققت ماتريد ..
يحرك قانون الجذب الناس والأحداث والظروف لتمشي في صالحك وتستقبل ماطلبته

* الاستلام أو الاستقبال يتضمن شعورك بالرغبة لما طلبته
وشعور ثاني بالارتياح سيجلب لك ما أردته
Just feel good

..

تمر أوقات في حياتك الشيء تفكر في شيء و يصير عكسه !
ليش ما جذبه لك الكون ..؟
لأنك فعلت الفكرة الخطأ المعاكسة لفكرتك .. لنفرض مثلاً
بكره عندك موعد مهم وفكرتك كانت :
" بكره عندي موعد مهم ، ماودي اتأخر ، أخاف اتأخر ويروح علي الموعد ، ماودي أطيح بزحمة "
الكون بيستقبل هالجملة على إنها " بكره عندي موعد مهم ، بتأخر ، بيروح علي الموعد وأطيح في زحمة "

..

فكرة ثانية لشخص ضعيف ومهزوز :

" ما أبغى الناس يكونون وقحين معي ويعاملوني بقلة احترام وكأني ولا شي "
بتصير " أبغى الناس يعاملوني بقلة احترام وكأني ولا شي "

..

فكرة ثالثة من راس إحداهن :
" ماودي بكره ينكب العصير على فستاني "
بتترجم على إنها " ودي ينكب بكره على فستاني عصير و مويه وشاهي أو أي شي "


من الضروري أن تفعّل الفكرة نفسها ونشيل باقي الاحتمالات والتوتر والقلق
توقع كل الأمور اللي تريدها ، تفاءل بالخير
وطبعاً لا تتوقع الأمور السيئة ..
جُمل النفي مثل " لا أريد أن يقع لي مكروه " ممكن تجذب لك هذا المكروه !
Wants don't = Haves
لحد يتفاول على نفسه .. " تفاءلوا بالخير تجدوه "

..




أغلبنا يفكر بهالطريقة :
مثلاً لو كنا محتاجين للمال أكيد نفكر فيه كثير لكن بالطريقة الغلط ..
نفكر بالديون والفواتير والمصاريف وكم باقي من الراتب و و و
أسهل طريقة لجذب المال هي إنك تركز ع الغنى .. تشعر بالسعادة
Its impossible to bring more money into your life when you focus on lack of it !
لا تستخفون بالفكرة ممكن تصيرون من أصحاب الملايين ..

..

و لو كنت شخص بدين راح تفكر كم كيلو راح أنقص هالشهر وكم باقي على الوزن المثالي
تنظر في المرآة وأنت مكتئب
حتى تفقد هذا الوزنالمفروض تحس كأنك وصلت لوزنك المثالي فعلاً .. و تحس بالفرح


* من المستحيل أن نفكر في فكرة جيدة ( كسب المال ، إنقاص الوزن ) ..
لكن في نفس الوقت نحس بإحساس سيء ، لازم يكون الشعور مناسب للفكرة


مممم حاولت اختصر الموضوع قدر الإمكان
إن شاء الله أكون وصلت الفكرة ..
هذي نسخة الكترونية للكتاب باللغة الانجليزية .. هنا
وفيه نسخة نزلت بالعربية في مكتبة جرير
وهنا تورنت الفيلم مع الترجمة
منقول ..

اعضاء منتدانا العظيم ..<< الي ما يشارك فيه الا انا وقودي وابو الدراهم ..

اتمنى اشوف ردودكم وتفاعلكم مع هالموضوع لانه من جد موضوع مهم جدا وحلو ومشوق وانا بصراحه اؤمن بالاشياء هذي لانه لها دور في نجاح الشخص ومستقبله

انا من زمان افكر اشتري الكتاب بس كل يوم اقول بكرة .. بكرة بكرة الحين انا انزل الفيلم الي يبي يشوفه معي حياه


وشاركوا

الارملة انا والله مثلك لكن في موضوعنا عن المسيخ وخصوصا الفيديو اللي وعدتكم فيه اخر جزء راح تتوضحلك اشياء كثيرر مهمه بالنسبه لذا سيكرت وكتب كثير تشبهه يعني مرره حلو انك تشوفين الفيلم اللي تقولين عنه عشان تكون الصوره اوضح بالنسبه لك
شكرا عالموضووع

قودي ... انا نزلت الفيلم .. اذا تبينه
شكل الفيلم خطييررررر

بس الكتاب بشتريه ان شا الله بعد ما اشوف الفيلم
شكرررا على تفاعلك

ايه تبينه تبينه نزليه لي على فلاش
شكرا ياختي